Adabiy musiqiy kecha

---

30-may kuni Forish tuman axborot-kutubxona markazi, Barkamol avlod bolalar maktabi hamda 5-umumta'lim maktabi bilan birgalikda 1-iyun kuni Xalqaro bolalarni himoya qilish kuni munosabati bilan “Baxtli bolalik” shiori ostida adabiy-musiqiy kecha tashkil etildi. Tadbirda maktab o‘quvchilari faol ishtirok etishdi. Dastur davomida bolalar tomonidan tinchlik va mehr-oqibat mavzularida she’rlar o‘qildi, kichik sahna ko‘rinishlari namoyish etildi hamda raqs va qo‘shiqlar ijro qilindi. Tadbirda bolalar savol-javob o'yini, tez aytish bellashuvlari, kim chaqqon o'yinlaridan o'zaro bellashdilar. Tadbir so‘ngida bilimlar bellashuvi hamda o‘yinlarda g‘olib bo‘lgan bolalar tashakkurnoma va esdalik sovg‘alari bilan taqdirlandi.