Adabiy musiqiy kecha

---

21-oktabr kuni Forish tumanidagi 33-umumta’lim maktabi hamda Forish tuman axborot-kutubxona markazi hamkorligida 21-oktabr — O‘zbek tiliga davlat tili maqomi berilgan kun munosabati bilan "Til millat koʻzgusi" nomli adabiy-musiqali kecha tashkil etildi.
📌 Tadbir davomida o‘quvchilarga o‘zbek tilining boy tarixi, betakror jozibasi, ma’naviy hayotimizdagi o‘rni hamda uni asrab-avaylash va rivojlantirishning ahamiyati haqida ma’lumotlar berildi. Ona tilimiz — milliy o‘zligimiz, ma’naviyatimiz va qadriyatlarimizning ajralmas qismi ekanligi alohida ta’kidlandi.
🎤 Kecha davomida o‘quvchilar tomonidan til bayramiga bag‘ishlangan turli she’rlar ifodali tarzda o‘qib eshittirildi. Shuningdek, ona tiliga bo‘lgan mehr va ehtiromni aks ettiruvchi sahna ko‘rinishlari namoyish etilib, ishtirokchilarga ko‘tarinki kayfiyat ulashdi. Tadbir doirasida tashkil etilgan qiziqarli savol-javob o‘yinlari orqali o‘quvchilarning ona tili haqidagi bilimlari sinovdan o‘tkazildi, ularning so‘z boyligi va fikrlash qobiliyatini rivojlantirishga e’tibor qaratildi.