Forish tumani Axborot-kutubxona markazi

Forish tuman axborot-kutubxona markazi hamda 33-umumta'lim maktab bilan birgalikda kitobxon klub a'zolari o'rtasida buyuk mutafakkir, davlat arbobi, shox va shoir Zahiriddin Muhammad Bobur tavalludining 541-yilligi munosabati bilan "Bobur zukko adib va dilbar shoir" nomli davra suhbati tashkil qilindi. Davra suhbatida TAKM xodimi M.Ayasova hamda 33-umumta'lim maktab kutubxonachisi V.Muqumovalar qatnashchilarga Bobur o‘zbek tarixida tom ma’noda yirik shaxs. Uning tarixchi olim, zukko adib va dilbar shoir sifatida qoldirgan adabiy merosi bebahodir. Bobur hukmdorlik majburiyatlaridan ortib yirik asarlar yozishga muvaffaq bo‘lgan. Uning lirikasi adabiyotdagi o‘ziga xos lirika. Shubhasiz, she’riyatining asosiy mavzuyi Vatan, Vatan sog‘inchi bo‘lgan. Taxt uchun qondosh aka-ukalarning dushman bo‘lib kurashishi, atrofdagi insonlarning xiyonati, vatanini birlashtirolmaganidan so‘ng tortgan azoblari va nihoyat umrining so‘nggigacha Vatan sog‘inchi uning she’riyatiga ko‘chgan desak mubolag‘a bo‘lmaydi. Bu mavzular Bobur g‘azallari, ruboiylarida keng yoritilganligi haqida ma'lumot berdi.