Davra suhbati
Har oyning 17-sanasida an’anaviy tarzda o‘tkazib kelinayotgan “Kitobxon onalar kuni” munosabati bilan 13-oktabr kuni Forish tuman 2-sonli bolalar bog'chasining ayol xodimlari o'rtasida O'rxon To'kerning "Raqamlashgan dunyoda Farzand qanday tarbiyalanadi" kitobi yuzasidan davra suhbati tashkil etildi. Suhbat davomida kitobxon onalar zamonaviy texnologiyalar hayotimizga chuqur kirib kelgan bugungi kunda farzand tarbiyasiga e’tibor, ota-ona mas’uliyati hamda bolalarning axborot olamidagi xavfsizligi masalalariga alohida to‘xtalishdi. Tadbir ishtirokchilari asardan o‘zlariga kerakli fikrlar, foydali tavsiyalar oldilar hamda farzand tarbiyasida kitob o‘qishning, ma’naviy qadriyatlarni singdirishning ahamiyati haqida o‘z fikrlarini bildirishdi.