Davra suhbati

---

✅Har oyning 17-sanasida an’anaviy tarzda tashkil etib kelinayotgan “Kitobxon onalar kuni” doirasida 15-may kuni Forish tuman Kelajak maktabining to‘garak qatnashchilari bo‘lgan qizlar ishtirokida “Ma’rifatli qiz — jamiyat ko‘zgusi” mavzusida davra suhbati bo‘lib o‘tdi. Tadbirdan ko‘zlangan maqsad yoshlar, ayniqsa qizlar o‘rtasida kitobxonlikni targ‘ib qilish, oilada ma’naviy muhitni mustahkamlash hamda onalarning farzand tarbiyasidagi o‘rni haqida tushunchalar berishdan iborat bo‘ldi.
📌Suhbat davomida kitob mutolaasining inson hayotidagi ahamiyati, uning bilim va tafakkurni boyitishdagi o‘rni haqida fikr almashildi. Qizlarga ma’naviyatli va bilimli ayolning jamiyatdagi mavqei, odob-axloq, milliy qadriyatlar hamda Vatanga sadoqat kabi fazilatlar xususida tavsiyalar berildi. Ishtirokchilar sevib o‘qiyotgan kitoblari haqida ham fikr bildirdilar.