Davra suhbati

---

📚 10-iyun kuni Forish tuman axborot-kutubxona markazi Abonoment va foydalanuvchilarga xizmat ko‘rsatish xizmati tomonidan 1-sonli bolalar bog‘chasi tarbiyalanuvchilari ishtirokida “Ertaklar olamiga sayohat” nomli davra suhbati tashkil etildi.
📌 Tadbir davomida bolajonlarda kitobga mehr uyg‘otish, ularning dunyoqarashini kengaytirish hamda mutolaa madaniyatini shakllantirish maqsadida qiziqarli suhbatlar olib borildi. Davra suhbatida ertaklarning inson hayotidagi o‘rni, yaxshilik va ezgulikni targ‘ib etuvchi jihatlari haqida sodda va tushunarli tarzda ma’lumotlar berildi.
✅Shuningdek, kutubxona xodimlari tomonidan bolajonlarga turli mazmundagi ertak kitoblaridan parchalar o‘qib eshittirildi. Ayniqsa, do‘stlik, mehr-oqibat, rostgo‘ylik va mehnatsevarlik kabi insoniy fazilatlarni targ‘ib qiluvchi ertaklar tarbiyalanuvchilarda katta qiziqish uyg‘otdi.