Davra suhbati

---

📚 14-avgust kuni Forish tuman axborot-kutubxona markazi Axborot-kommunikatsiya texnologiyalari va raqamlashtirish xizmati tomonidan o‘quvchi-yoshlar ishtirokida zamonaviy axborot texnologiyalaridan xavfsiz va to‘g‘ri foydalanish haqida ochiq muloqot tashkil etildi.
💻 Tadbir davomida bugungi kunda internet va ijtimoiy tarmoqlardan foydalanish jarayonida uchrashi mumkin bo‘lgan turli viruslar, zararli dasturlar, shubhali havolalar va noma’lum fayllar haqida batafsil ma’lumot berildi. Ayniqsa, Telegram va boshqa messenjerlar orqali yuborilayotgan turli xil fayllarni tekshirmasdan ochish, noma’lum havolalarga kirish hamda ishonchsiz manbalardan dasturlarni yuklab olish qanday xavflarga olib kelishi mumkinligi tushuntirildi.
🌐 Muloqot davomida libsmart.uz sayti va uning imkoniyatlari haqida ham ma’lumot berilib, undan foydalanish tartibi hamda yoshlarning axborot resurslaridan samarali foydalanish imkoniyatlari haqida tushuntirishlar olib borildi.