Davra suhbati

---

 Forish tuman axborot-kutubxona markazida 15-sentabr kuni "Kitobxonlar klubi" a’zolari ishtirokida "Xon-atlas" haftaligi doirasida “Xon atlasim — mening g‘ururim” mavzusida qiziqarli davra suhbati tashkil etildi. 📌Tadbir davomida ishtirokchilarga milliy qadriyatlarimiz, xususan, o‘zbek xalqining betakror hunarmandchiligi mahsuli bo‘lgan “Xon atlas” matosining yaratilish tarixi, uning jahon miqyosida tan olingan qadri va bugungi kundagi ahamiyati haqida ma’lumot berildi. Suhbat davomida milliy matolarimizning o‘ziga xosligi, ularda mujassam bo‘lgan ranglar va naqshlarning ma’nosi, shuningdek, yosh avlodni milliy urf-odatlarimizga hurmat ruhida tarbiyalash masalalari atroflicha muhokama qilindi.