Kitob - millatning madaniy va ma'naviy merosi.

---

Forish tuman Axborot kutubxona markazi Abonoment va foydalanuvchilarga xizmat ko'rsatish xizmati tomonidan foal kitobxonlar o'rtasida "Kitob – millatning madaniy va ma'naviy merosi" mavzusida  davra suhbat tashkil qilindi. Suhbat davomida TAKM hodimi M.Ayasova qatnashchilarga inson xayotida kitobning o'rni  Kitob – insonnint eng yaqin do'sti va maslahatchisi, aql qayrog'i va bilim manbai ekanligini gapirib o'tdi. Kitob fikrlash quroli, xazinalar kaliti, tafakkur manbai bo'lgani uchun ham xalqimiz uni nonday aziz, mo'tabar deb hisoblagan. Shuning uchun kitobga muhabbat, uni qadrlash, o'qishga ishtiyoq xalqimizning qon-qoniga singib ketgan. Kishining madaniyati uning kitobida aks etadi. Shu ma'noda, bugungi kunda kitob o'qish va unga munosabat bir qadar susaygandek. Chunki yoshlar ko'proq kino, video, telefonga, kompyuterga berilib ketdi.  Kitobxonlik oiladagi muhitga ham bog'liq. Ma'rifatli oilalarda kitobga e'tibor farzandlar tarbiyasida qo'l keladi. Inson o'zining fikrlash qobiliyati, ma'naviyat dunyosi bilan tirik. Odamni boshqa mavjudotlardan ajratib turuvchi omillardan biri ham uning ma'naviyati hisoblanadi.