Kitobxonlik_haftaligi

---

📚Respublikamiz bo‘ylab VI Respublika kitobxonlik haftaligiga start berildi. Forish tuman Axborot-kutubxona markazida ham ushbu haftalikni tantanali ochilish marosimi bo‘lib o‘tdi. Tadbirda kitobsevar yoshlar, faol kitobxonlar, o‘quvchi-yoshlar, ustozlar hamda keng jamoatchilik vakillari ishtirok etdilar. Ochilish marosimida Respublika Ma’naviyat va ma’rifat markazi Forish tuman bo‘linmasi rahbari M. Jiyanov hamda 1-umumta’lim maktabining ma’naviy-ma’rifiy ishlar bo‘yicha direktor o‘rinbosari D. Safarova qatnashib, haftalikning mazmun-mohiyati, yoshlar hayotida kitobning o‘rni va mutolaaning ahamiyati haqida atroflicha fikr bildirdilar. Shuningdek, haftalik davomida turli kitob taqdimotlari, davra suhbatlari, kitob ko‘rgazmalari, adabiy uchrashuvlar va intellektual o‘yinlar tashkil etilishi rejalashtirilgani ma’lum qilindi.