Kutubxonaga sayohat

---

📚 21-avgust kuni Forish tumanidagi 55-umumta’lim maktabi o‘quvchilari yozgi ta’tilni mazmunli va foydali o‘tkazish maqsadida Forish tuman axborot-kutubxona markaziga tashrif buyurdilar.
📌 Tashrif davomida Abonementlar va foydalanuvchilarga xizmat ko‘rsatish xizmati mutaxassislari tomonidan o‘quvchilarga kutubxona fondi, yangi adabiyotlar hamda ulardan foydalanish tartibi haqida batafsil ma’lumot berildi. Shuningdek, o‘quvchilarga “O‘lkamiz tarixini o‘rganamiz” burchagi tanishtirilib, Forish tumanida yashab, ijod qilgan taniqli adiblar, shoirlar va ma’rifatparvar insonlar haqida qiziqarli ma’lumotlar taqdim etildi.
📖Mazkur tashrif o‘quvchilarning kitobxonlikka bo‘lgan qiziqishini oshirish, bo‘sh vaqtlarini mazmunli tashkil etish hamda ona yurt tarixi va madaniyatiga bo‘lgan hurmatini yanada mustahkamlashga xizmat qildi.