"Marifatli ayollar"

---

Forish tuman axborot-kutubxona markazi tomonidan har oyning 17 sanasida tashkil etiladigan "Kitobxon onalar kuni" munosabati bilan tuman axborot kutubxona markazida pedagog ayollar davrasida "Yangi O'zbekiston jamiyatida ayollarning o'rni" mavzusida adabiy musiqiy kecha tashkil qilindi. Tadbirda "Barkamol avlod" bolalar maktabi xodimlari, 1 va 33- umumta'lim maktab o'quvchilari va o'qituvchilari, tuman Ma'naviyat markazi xodimlari hamda mahalla faol ayollari ishtirok etdilar. Tadbirda ona tili va adabiyot fani o'qituvchisi B.Bo'ltakova, musiqa fani o'qituvchisi G.Sirojiddinova, tarix va huquq fani o'qituvchisi N.Rustamova, Oqila ayollar harakati a'zosi Z.Umirova, 33-umumta'lim maktab o'quvchisi N.Qurdoshevalar ilmli ayollarning jamyatdagi o'rni haqida qatnashchilarga ma'ruza qildilar. Musiqali kechada o'quvchilar o'zlarining qo'shiq va raqslari bilan faol qatnashdilar. Tadbir so'ngida tuman Ma'naviyat markazi xodimi M.Jiyanov hamda TAKM xodimi M.Ayasovalar qatnashchilarni tashakkurnoma hamda esdalik sovg'alar bilan taqdirladilar.