Rasmlar tanlovi

---

📚 9-aprel kuni Forish tuman axborot-kutubxona markazi hamda 1-umumta’lim maktabi o‘qituvchilari hamkorligida faol kitobxonlar ishtirokida buyuk sarkarda, davlat arbobi va Temuriylar saltanati asoschisi Amir Temur tavalludining 690 yilligi munosabati bilan “Sohibqiron siymosi” nomli rasmlar tanlovi tashkil etildi.

🖼 Mazkur tanlovdan ko‘zlangan asosiy maqsad yosh avlod qalbida buyuk ajdodlarimizga bo‘lgan hurmat va ehtirom tuyg‘ularini yanada mustahkamlash, ularning tarixiy merosi hamda hayot yo‘lini tasviriy san’at orqali keng targ‘ib etishdan iborat bo‘ldi.

✨ Tanlov davomida ishtirokchilar Amir Temurning jasorati, davlat boshqaruvidagi donoligi, harbiy mahorati hamda buyuk siymosini rangtasvirlar va ijodiy yondashuv asosida qog‘ozga tushirdilar. Har bir rasmda Sohibqironning mardlik, adolat va vatanparvarlik fazilatlari o‘ziga xos tarzda aks ettirildi.