Rasmlar tanlovi

---

📚 29-iyun kuni Forish tuman axborot-kutubxona markazi xodimlari tomonidan Koinot bolalar oromgohiga tashrif buyurildi. Tashrif davomida bolalarning yozgi ta'tilini mazmunli tashkil etish, ularning ijodiy fikrlashi va tasviriy san'atga bo'lgan qiziqishini rivojlantirish maqsadida "Mening sevimli oromgohim" mavzusida rasmlar tanlovi tashkil etildi.
📌Tanlovda ishtirok etgan bolalar o'z tasavvurlarini ranglar orqali ifodalab, oromgohdagi quvonchli lahzalar, tabiat manzaralari, kamalak, yashil daraxtlar, tog'lar, quyosh, do'stlik muhiti hamda Koinot bolalar oromgohi manzaralarini mahorat bilan qog'ozga tushirdilar. Har bir rasm bolalarning beg'ubor dunyoqarashi, ijodiy yondashuvi va yozgi taassurotlarini o'zida mujassam etdi.