TIBBIYOT ILMI DAXOSI.

---

Forish tuman Axborot kutubxona markazi xodimlari tomonidan 1-sonli maktab kitobxonlariga Abu Ali ibn Sino bobomiz hayoti hamda Tib qonunlari asari haqida "Tibbiyot ilmi daxosi" nomli davra suhbat tashkil qilindi. Suhbatda TAKM xodimi qatnashchilarga Abu Ali ibn Sino tibbiyot, falakiyot, matematika ilmida tengsiz olim boʻlganligi haqida qisqacha ma'lumot berib o'tdi. U Avitsenna nomi bilan mashhur, oʻrta osiyolik qomusiy olim, tabib va faylasuf edi. 980-yilning 18-iyunida Buxoro yaqinidagi Afshona qishlogʻida tugʻilgan va 1037-yilning 16-avgustida Hamadonda vafot etgan. Uning asarlari umumiy soni 450 dan oshadi, lekin bizgacha faqat 160 ga yaqin asari yetib kelgan. Ibn Sino, ilm sohasidagi dastlabki ustozi Abu Abdulloh Notiliydan oʻrgangan. U el orasida hakim va faylasuf sifatida mashhur boʻlgani uchun otasi Ibn Sinoni unga shogirdlikka berdi. Ibn Sino zamonasining yetuk shoiri ham bo'lgan. U Sharq, xususan, fors she'riyatida ruboiy janrining asoschilaridan biri bo'lib, ruboiylari o'zida chuqur falsafiy xulosalarni ifodalaydi. Ibn Sino arabcha qit'alar ham yozgan.