ZARBULMASAL

---

Forish tuman axborot kutubxona markazi Abonoment va foydalanuvchilarga xizmat ko'rsatish xizmati tomonidan Barkamol avlod bolalar maktabi togarak qatnashchilari bilan birgalikda GULXANIYNING "ZARBULMASAL" asari yuzasidan davra suhbati bo'lib o'tdi. Davra suhbat davomida qatnashchilarga TAKM xodimi M. Ayasova Gulxaniy hayoti va ijodi hamda "Zarbulmasal" asari haqida malumot berib o'tdi. Muhammad Sharif Gulxaniy XIX asrning birinchi yarmi Qo‘qon adabiy muhitida masal–tamsil janrida xalqchil asar yaratishga muvaffaq bo‘lgan shoirdir. Uning hayoti va ijodiga oid tadqiqotlardan ma’lum bo‘lishicha, Gulxaniy tabiatan yumor va hajvga usta, xalq urf-odatlari va til boyliklarini, maqol, matal, naql va rivoyatlarni chuqur biladigan ijodkordir. U fors-tojikcha g‘azallarida Jur’at taxallusini qo‘llagan bo‘lsa, o‘zbek kitobxonlariga Gulxaniy taxallusi bilan mashhur.O`zbek adabiyoti tarixida Gulxaniy ijodining o`ziga xos o`rni bor. Undan oz lirik she`rlar qolgan bo`lsa ham o`z davrining voqea holatlarini ko`rsata olgan. Ayniqsa, o`sha davrdagi ochlik va yupunlikdan azob chekkan kambag`al xalq ahvolini ro`y-rost ko`rsatib bergan. Gulxaniyning "Zarbulmasal" asarida tasvirlangan majoziytimsollar orqali aytilgan fikrlar maktab o`quvchilarining ta`lim-tarbiyasida muhim o`rin tutadi. Zero asardagi 400 dan ortiq xalq maqollari va hikmatli so`zlarning ahamiyati katta.